Fiskeregler
Elvefisket vert innskrenka i Møre og Romsdal dei komande fem åra. Reguleringane skal styrke bestandane av anadrom fisk. Det er teke spesielle omsyn til sjøaure. Den nye forskrifta av 15.02.2010 er eit produkt av ei lang saksutgreiing med mange aktørar. Direktoratet for naturforvaltning har gjeve retningslinene for arbeidet.
Nattfreding og forbod mot markfiske gjeld i vassdrag med lakseparasitten G. salaris og er tiltak fyrst og fremst knytt til sjøaure. Begge tiltaka vil verne verdfull fisk, store som små, ved å redusere fangsteffektivitet av vaksen fisk og i tillegg vere tiltak som har positiv effekt i å spare ungfisk. Ungfisk i gyro-vassdrag er nesten eine og aleine aure.
Fiskeperiode
I Møre og Romsdal er det tillate å fiske anadrome laksefisk i vassdrag frå og med 20. juni til og med 31. august.
Følgjande unntak gjeld: periode (f.o.m. - t.o.m.) og vassdrag
01.06.-31.08. Surna i Surnadal kommune, Usma i Sunndal kommune og Istra, Innfjordelva og Henselva (Isa/Glutra) i Rauma kommune
01.06.-15.09. Driva i Sunndal kommune. Fisket i september gjeld frå og med Romfo vald til fylkesgrensa. I Driva gjeld fisketida frå kl 18 - 13 neste dag i heile sesongen. Litledalselva i Sunndal kommune og Rauma i Rauma kommune.
I Rauma gjeld fisket i september frå og med Rygghølen til stopp lakseførande strekning.
Fangstavgrensing
Det er berre tillate å fange anadrome laksefisk som er minst 35 centimeter.
I Rauma, Istra, Innfjordelva, Henselva (Isa/Glutra) i Rauma kommune gjeld ein døgnkvote på 1 sjøaure pr. fiskar.
Laks er ikkje inkludert i kvotereguleringa.
| >> | Alt om fiskeregler i distriktet finner du her |